借題發揮:杯盃勝本錢十足

猪拉多纳

　　姚本輝馬房場去季取得輝煌成績，以49場頭馬排在練馬師榜前列。冇錯，呢個馬房係用咗唔少子彈，有啲馬評分真係加到爆晒標，唔好講話今季要再把成績翻一番，可以贏得到，已經對得住太公婆有餘。不過，姚廐仍有幾多冇點郁過嘅新血，依然好有前景。

　　「杯盃勝」上季兩戰冇P，的確令人跌晒眼鏡，進度未夠？抑或受傷患影響？可能各佔一半，但睇台型，斷唔會認為四班冇得贏，外觀靚仔，落場跑又唔係未近過，唔覺得對佢嘅實力評估係幻想。

　　上季此駒在直路賽初出，末段略受困下，仍獲殿軍，雖然冇阻過，亦唔見得可再跑近啲，就知當時走規未乖係事實。寄望今季「杯盃勝」足部健康回穩，在四班大有連勝連升本錢，呢匹年輕馬值得追捧。

Jack