哥本哈根遇北歐殺手

猪拉多纳

16/08/2011
文： 樂比堅尼

每年歐聯都會有唔少新面孔亮相，呢啲「不明物禮」能夠殺入歐聯，一定有過人之處，絕對唔可以太過輕視，好似捷克嘅柏辛域陀尼亞咁，上圈就爆冷淘汰洛辛堡出局，可見佢哋應付北歐波有一手，今場作客丹麥哥本哈根亦唔使驚，捧「讓球客勝」。（有線63及203台周三凌晨2時45分直播）


柏辛域陀尼亞贏洛辛堡


柏辛域陀尼亞個名聽落好生面口，但如果講佢哋另一個譯名皮爾森，大家可能印象深刻啲。呢支捷克新興球隊，上季取代勁旅布拉格斯巴達奪得捷甲冠軍，佢哋特點係絕少外援，保留傳統東歐風格，踢法相當機動，球員個人技術亦細膩，上圈對住粗枝大葉嘅洛辛堡，兩回合均贏波晉級，擺明係格食格。




哥本哈根同洛辛堡都係北歐兵，踢法上頗為相似，計整體論實力亦唔叻得過洛辛堡好多，今場對柏辛域陀尼亞主W熱到得1.52倍，值博率欠奉，首回合兩隊互相試探對手，隨時和波收場。