維拉利爾唔埋丹住

猪拉多纳

17/08/2011
文： 蘇豪

今日歐聯餐牌有四場歐聯附加賽首回合推介，四場負責大廚都認為相當好味，全部當主菜推介。先講五月曾東來嘅維拉利爾，當時同「港版巴塞」傑志拍跳，半場摸和○比○，下半場先入三粒，今晚作客丹麥奧丹斯，恐怕都唔敢輕舉妄動，讓波唔抵玩，要「讓球主勝」。




（有線64及204台周四凌晨2時45分直播）




單睇牌面兩軍完全冇得比，維拉利爾屬西甲實力分子，歐戰經驗豐富，奧丹斯級數明顯差一截。不過如果維拉利爾贏硬，客勝就唔會有1.97倍喇，熱唔透擺明隱藏殺機。


奧丹斯主場夠惡


事實上，西甲未開咧，維拉利爾齋踢熱身賽狀態未足，加上唔知對手乜頭乜路，預期會小心翼翼，首回合作客即使和波都收貨，留番次回合回師主場先同對手死過。奧丹斯實力平庸，勝在主場有惡氣，上圈淘汰彭拿典奈高斯贏來充滿激情，乘勢硬撼維拉利爾有得揮，博「讓球主勝」。