亨克星散難抗海法

猪拉多纳

17/08/2011
文： 樂比堅尼

亨克上季喺最後一場聯賽奪得比甲冠軍，過程可謂峰迴路轉，不過亨克今季可謂面目全非，教練維卡特恩畀中東球隊挖角，多名主力亦缺陣，今場作客以色列海法馬卡比嘅「地獄主場」，睇怕都凶多吉少，捧主W！




（有線63及203台周四凌晨2時45分直播）


海法歐聯經驗豐富


亨克上季勇奪聯賽冠軍，綽號「小王子」嘅教頭維卡特恩功不可沒，佢剛於上周與阿聯酋球會艾查捷拉簽約，依家球會仲未搵到代替人選，正所謂將軍一去，大樹飄零，加上門神高圖爾斯都走埋，亨克難免士氣低落，最慘係今仗有四名主力缺陣，當中包括中場迪布尼及前鋒奧根積米受傷，後衞雲丹波里及尼干卡停賽。海法馬卡比已兩度出戰歐聯分組賽，經驗相當豐富，今仗佔主場之利可打響頭炮！