巴塞皇馬大騷Encore

猪拉多纳

17/08/2011
文： 法比加輝

西班牙超級盃次回合，巴塞隆拿返回魯營球場迎戰皇家馬德里，呢項賽事雖然唔算係大盃，但面子攸關兩隊都唔想輸，首回合兩軍合演開放足球，預計今仗會繼續鬥攻，希望贏波之餘贏埋面子，加輝首選大盤！




（now 632及660周四清晨５時直播）




雖然皇馬教練莫連奴口口聲聲話西超盃只係雞肋，但從首回合嘅表現，睇得出兩隊踢落好有鬥心，希望可先聲奪人攞番個頭彩。整場賽事巴塞控球時間較多，但皇馬嘅射門次數卻遠在巴塞之上，結果兩軍打成二比二平手，過程相當精彩！


法比加斯有望登場


莫連奴一直以防守足球聞名，但上季卻被巴塞技術性擊倒，莫帥明白到要同巴塞爭一日之長短，除防守要堅固外，必須進一步加強攻力，所以皇馬今季嘅踢法更加進取，當中進步最大嘅係前鋒賓施馬，佢雖然喺首回合冇入球，但喺熱身賽一直表現出色，係皇馬爭取入波嘅重要棋子。睇番皇馬季前嘅八場賽事，總共射入咗二十九球，平均每場入球高達3.63球，全部都係開出大盤。




巴塞嘅攻力更加唔使多講，佢哋啱啱喺賽前簽入法比加斯，今仗有機會亮相，大大提升球隊嘅士氣，巴塞今季多咗佢同阿歷斯山齊士，進攻能力較上季有過之而無不及，兩隊咁多「士哥拿」，捧大係信心嘅保證。