鯨魚唔怕起飛腳

猪拉多纳

17/08/2011
文： 蘇豪

日職今日上演「癲鋒」對決，大阪飛腳主場對名古屋鯨魚，兩軍前鋒弗到癲，飛腳射手拉芬夏同李根鎬愈戰愈勇，鯨魚雙鋒約舒亞堅尼地及玉田圭司士哥如食生菜，大家咁高咁大，飛腳讓唔起對手平半，捧下盤！




（now 633周三晚６時直播）




大阪飛腳失去巴西前鋒阿祖安奴費拉拿及宇佐美貴史後，有唔少朋友擔心球隊攻力大減，事實證明一切憂慮全屬多餘，南韓射手李根鎬坐正做進攻重心後全面爆發，借將拉芬夏加盟後迅即融合球隊，兩人近期頻頻有士哥，令球隊戰績冒升甚速。




飛腳進攻火力猛，衰在防線甩漏多，今季只得一場聯賽保持清白之身，一眾守將表現震過貓王，對住惡爺名古屋鯨魚好難頂得住。


鯨魚近五對戰全勝


名古屋鯨魚踢法冇大阪飛腳咁性感，但隊中射手全屬高級貨色，約舒亞堅尼地及玉田圭司組成超強進攻組合，兩人於聯賽各入十粒，產量平穩，加上年輕前鋒永井謙佑後備落場時有佳作，前線侵略性極高。




鯨魚近期全面爆發，聯賽七連勝兼十五場不敗，加上近五次聯賽對飛腳全勝，今次受讓着數到不得了，下盤有計。另外大盤雖熱，但勝在夠穩，可一併兼顧。