維拉利爾缺態難啃奧丹斯

猪拉多纳

17/08/2011
文： Kit

多得歐洲足協主席柏天尼嘅傾斜小國政策，名不經傳球隊先有緣躋身歐聯主賽圈，今晚拜仁慕尼黑呢隊衰波會對住蘇黎世，小妹點都會起身睇吓有冇機會爆冷，至於要我真金白銀買就免喇，小妹反而想推介奧丹斯，信佢哋主場頂得住維拉利爾。（有線64及204周四凌晨2:45直播）


奧丹斯主場8戰不敗


相信香港都無咩球迷熟悉奧丹斯呢隊波，講實力，呢支丹麥球隊就肯定係一般貨色，但好在鬥志搭夠，上圈就爆冷淘汰彭拿典奈高斯。由於丹麥超已經踢咗幾輪，奧丹斯上力程度點都優勝過仲未開咧嘅西甲兵維拉利爾！何況奧丹斯主場已經8場不敗，要繼續唔輸亦唔係天方夜譚。




論實力，維拉利爾唔使秤都知高半班，但唔少球員都畀各大歐洲豪門相中，例如羅斯仔、尼爾馬都可能離隊，前排想收購簡拿利斯又衰咗！諗番起上屆歐聯附加賽，西維爾又係衰未開咧，搞到畀布拉加淘汰，呢次奧丹斯絕對有機會歷史重演噃！