波圖超班「主主」住搶

猪拉多纳

19/08/2011
文： 巨高

葡超第二周賽事，頭場係波圖主場對基維辛迪。今季波圖開靚個頭，捧過葡超盃後開鑼戰又順利攞埋三分，呢支葡超王者強勢持續，今場可繼續睇好。考慮到對手基維辛迪只屬升班球隊，實力遠不及主隊，預期波圖可以由頭贏到尾，半全場「主主」有1.5倍勝在夠穩陣。




（周六凌晨3時15分開賽）




咪以為上季捧幾隻盃就對現今陣容滿足，最近波圖就從比利時標準列治引入兩名新球員，分別係中堅文加拿以及前鋒迪科。依家球隊前中後都有充足人腳，教練域陀佩利拉可以揀晒十一個狀態最弗嘅球員落場。




就好似首輪賽事，域陀佩利拉因感覺「頭槌王」法卡奧仍未上力，所以安排新兵基巴拉奧比打正選，陣容鼎盛對波圖爭勝必有幫助。




基維辛迪首周賽事逼和賓菲加全因主場之利，今次去到火龍球場就冇咁好彩。仲有，波圖大約一星期後就會喺歐洲超級盃硬撼「地上最強」巴塞隆拿，相信波圖今場一定會去到盡，務求透過實戰去催谷狀態及士氣，絕唔會對弱隊基維辛迪手下留情。


揀埋總入球「4」、「5」


另外有一項強烈數據支持今場開「半主全主」，就係波圖近四次主場對基維辛迪唔單止贏晒，半場亦必定領先。而除咗半全場之外，總入球4及5球都值得捧場。