史提芬納治假靚績咪落疊

猪拉多纳

20/08/2011


今日同大家解拆周末英甲，由史提芬納治主場對哈特普爾。今季升上英甲嘅史提芬納治，周中對般尼茅夫終打開勝利之門。其實今季史隊三場聯賽及一場盃賽九十分鐘都保持不敗，唔少球迷本住高追心態，以為贏開就贏長旺落去，搞到史提芬納治「齋W」熱到不足2倍。查實史提芬納治仲未證明實力，賠率偏熱只係球迷一廂情願嘅睇法，今場未必讓得起哈特普爾，「讓球客勝」可留意。（周六晚10時開賽）


讓唔起哈特普爾


史提芬納治聯賽一勝兩和不敗，全因季初對手相當弱雞，包括仲未喺聯賽開齋嘅埃克塞特以及車士打菲特，而就算剛賽所擊敗嘅般尼茅夫，亦只不過係中下游球隊，賽程有利自然踢得舒服，可以講紙上靚績只係一個假象。操盤手將史提芬納治定為熱門只為氹人落疊，根本同實力冇關。哈特普爾其實同史提芬納治一樣聯賽未輸過，今晚受讓又點可以錯過！