富明尼斯大場發圍

猪拉多纳

21/08/2011
文： 路西法

巴甲不時會將同州打吡戰移師至容量較大嘅球場舉行，好似今輪就有華斯高對富明尼斯一仗，會移師至夏維蘭治球場舉行。華斯高數日後要踢南美球會盃，難免分心，相反富明尼斯近期多次喺夏維蘭治贏波，受讓之下更值捧場。




（周一凌晨5時開賽）




因為富明尼斯原本嘅主場要重建，所以佢哋由上年至今，好多時都會喺夏維蘭治上演主場賽事，睇番球隊近三次勝仗，正正係喺呢個球場取得，所以今次賽程編排富明尼斯喺夏維蘭治球場作客，對球隊嚟講反而更有着數。


華斯高無主場之實


華斯高今次有主場之名，無主場之實，本來以球隊近期威勢，當然有望爭勝，但要留意球隊數日後要應付南美球會盃次回合賽事，雖然華斯高首回合領先，但盃賽次回合作客，一不小心亦隨時會被擯出局，而且喺首回合進行前嘅聯賽，華斯高作客亦曾大敗○比四，今次隨時上演翻版情況。另外睇番兩隊近20次喺聯賽、盃賽及州聯賽，不論主、客場嘅對賽往績，富明尼斯不敗率高達八成半，今場受讓可取。