士砵亭執完位睇定啲

猪拉多纳

21/08/2011
文： 巨高

星期日好多人都留喺屋企瞓覺，亦有好多人趁住假期四出覓食，巨高就係後者，而其中一間經常光顧嘅就係山窿魚蛋。其實呢間老字號好多人都識，亦係Eason嘅至愛食店之一，故在此不多作介紹。




巨高幫襯咗山窿魚蛋唔算耐，大約二十年左右。喺二十年品嘗魚蛋嘅歷程之中，深深領悟到創業難，守業更難嘅道理。就個人而言，魚蛋最大兩個賣點係魚味及彈牙，上述兩點亦係山窿魚蛋咁出名嘅原因，可惜海洋生態嚴重污染，再加上休漁期嘅影響，主理人根本冇法取得好材料，魚蛋質素自然下降。有時「守業難」未必係自身問題，社會環境及自然生態急劇變化，更令人感到無奈。雖然係老掉牙嘅道理，但能從魚蛋之中「o趙」出古老智慧，呢間食肆畀到巨高甚至其他食客唔止味道咁簡單。


未必讓得起比拉馬


葡超「Big3」球隊士砵亭亦係超級老字號，本周將會作客比拉馬，士砵亭喺轉會市場都幾積極，除咗有大量新人湧入，仲連教練都換埋。但其實換班底係唔係可以換來成功呢？好值得大家重新研究。現時士砵亭未上力兼要作客，未必讓得起比拉馬，「讓球主勝」可以留意。




（有線155台周一凌晨1時15分直播）