串埋水戶紐維爾舊生

猪拉多纳

21/08/2011
文： BlackJack

一支球隊冇咗馬納當拿會點？應該好難贏波囉，所以今日就博少咗個「球王」嘅鳥取飛翔打和，再串水戶蜀葵W，同埋紐維爾舊生個平手勝，希望三關過晒，補番上個禮拜嘅損失。




上星期Black Jack條三串一，就係斷頭關杜伊斯堡，嗰場波邵佳一食咗個詐胡，真係斷得慘烈。呢個禮拜一於重手啲，博條10.2倍嘅三串一，頭關就揀日乙鳥取飛翔對FC橫濱。鳥取响呢場波賽前，宣布同巴西前鋒杜度（Dodo）解約，呢個21歲口靚仔全名係Douglas Maradona Compos Dangui，勉強叫佢做馬納當拿都得，但係佢啲波同真正嘅球王差好遠，踢咗5場波一粒都未入過，唔知足智彩係咪早知杜度撈唔長，個球員名單一直都冇佢個名，認真眼光獨到。


小保加作客舊生兩連敗


冇咗「球王」雖然影响唔大，但係鳥取呢隊波實在太弱，已經4連輸兼冇波入，好彩嘅係今日主場對住嘅FC橫濱，雖然有三浦知良坐鎮，不過同樣係攻擊力疲弱嘅球隊，和波機會好大。當然，呢場波博入球細可能比博和仲穩陣，問題係細得1.48倍，過到都冇乜肉食。




真貨馬納當拿嗰隊愛隊小保加，今日亦會作客紐維爾舊生，佢哋開季1勝1和冇失波，本應值得睇好，但係中場迪亞高利華路傷咗，教練法斯安尼一直畀球迷批評戰術唔掂，傳佢炒魷好多次，隊波氣氛麻麻，而且小保加近兩次作客紐維爾舊生都輸，平手盤可以博主隊。




另一場日乙水戶蜀葵主場對FC岐阜，計往績水戶蝕晒，咁多年嚟响地頭未贏過對手，但今場個主勝熱到得1.7倍，岐阜亦响日乙連輸6場，場場食蛋，水戶有望破宿命W出。