阿積士新兵對辦3「芬」袋袋平安

猪拉多纳

21/08/2011
文： 阿當K神

荷甲班霸阿積士今晚會作客弱旅芬洛，呢支衞冕冠軍一開季已經展現出超班實力，連續2場大炒對手，相反芬洛至今1球都未入過，1.58倍「讓球客勝」抵玩到爛！（now639台周日晚8:30直播）




阿積士今季雖然有唔少主力離隊，但亦都買番唔少新兵填補番實力，佢哋開季2場聯賽先後分別大炒迪加史卓普4:1同海倫芬5:1，可見呢支班霸功架猶在。事實上，喺呢9個入波之中，有4球係嚟自新加盟嘅球員，包括史基賀臣、保爾列達同特奧贊臣，足見新舊球員已完成磨合。


芬洛死火輸往績


另邊廂，芬洛上季雖然成功護級，但今夏唔單止冇諗計點樣去增強實力，相反仲大膽地放走上季首席射手波文斯，搞到開咧踢咗2場聯賽都入唔到波，上場更慘吞維迪斯4蛋，士氣直插谷底。最後睇埋對賽，阿積士一面倒佔優，喺近4次交手全部贏晒兼冇失過波，近2次作客芬洛亦都至少贏到2球，相信今次都食硬呢道「私房菜」！