黃色潛艇返主場報仇

猪拉多纳

21/08/2011
文： 力奇

嚟緊周中繼續係歐聯擔大旗，附加賽次回合生死鬥，大家都冇保留，最值得注意嘅肯定係維拉利爾對奧丹斯，黃色潛艇首回合作客輸1粒，今鋪不成功，便成仁。雖則話剛周末西甲開咧戰因罷工延期，佢哋少咗場熱身賽踢，但養精蓄銳到時餓虎擒羊仲邊有得走？奧丹斯個平均客勝去到10倍過外，點睇都冇得爆囉！




至於周三烏甸尼斯主場對阿仙奴，首回合烏甸作客輸0:1，今次返主場係另一回事。兵工廠尋晚撼完利物浦，抖夠先出征意大利雖然係好，但記緊留意中場重心拿斯尼動向，對佢哋軍心會有重大影響。始終班波近排陷入內亂，表現可以好飄忽，反而烏甸疊埋心水主場搏殺，賠率可能仲抵玩。




周中其實仲有英聯盃，暫時唔係太多開咗盤，韋斯咸話晒係英冠波，高過艾迪索特點止一班波。家陣個賠率未算熱透，要睇吓主勝有冇再下調，否則因住小勝當交差呀！