華斯高「客勝」有意「斯」

猪拉多纳

25/08/2011
文： 亨格比利

聽朝場南美球會盃，總比數落後兩粒嘅彭美拉斯回師主場恭候華斯高。彭美拉斯為勢所逼，教練史高拉利講到明會擺大個頭喪攻對手，之不過佢哋近況咁沉唔似有力扭轉敗局，呢場第2圈次回合賽事寧吼華斯高保不敗晉級，敲1.9倍「讓球客勝」。（開賽時間：周五早上7:15）


彭美拉斯打3箭頭


彭美拉斯連續6場波未贏過，「大菲」已經聞到魷魚香，為保住個飯碗，尋日話會派晒雲尼斯奧斯施華、列迪同基拔3位箭頭落場，再由刑滿復出嘅佐治華迪維亞負責校炮，決心一流。不過睇番近績，佢哋近5仗1球都未入過，前鋒基拔同左閘基比爾施華都要紮住上，隨時佗衰家。反觀首回合贏2:0嘅華斯高，賽前有協助巴西勇奪世青盃嘅右閘阿倫歸隊，加上佢哋近8仗有6場保持清白之身，防線咁硬淨要頂住頹勢彭美拉斯有幾難？