洪禮賢講馬:慢熱唔係壞事

猪拉多纳

　　唔知性格造成，定係心態問題，令到有啲人會比較慢熱，譬如一啲聚會咁，一大班人圍埋吹水，總有啲只係cd-rom（冇output），齋做聆聽者，問十句，冇一句回應。但可能企得一頭半個鐘，成個人會唔同，未去到口若懸河，至少唔會十問九唔應。

　　慢熱，有時冇錯，一開始聚會就「水花」四濺，可能畀人嘅印象冇咁好，熱情與多口（美女可能有豁免權），只係一線之隔。偶爾慢慢至入局，既冇錯過開端，又可順住行，策略上未必係壞事。

　　而練馬師亦有部分係慢熱，唔係性格或心態，可能係慣咗啫，好似胡森、蘇保羅、霍利時等，前兩者直情係慢熱中嘅狂熱分子，好多時喺季初會唔派馬跑一兩期，霍利時就唔同，唔係唔多馬出賽，不過，近季佢好多馬，季前操得足，一出都係「窩」多，反而，熱完身嗰批則經常可翻生。而一開波就嘭嘭聲多的是，大摩、告東尼、方嘉柏，通常係快速行動組成員。

洪禮賢