借題發揮：豐衣足食長跑長有

猪拉多纳

　　「豐衣足食」上季成績比預期失色，搏嚟搏去1W都贏唔到，係咪唔夠能力？練得唔好？非也，主因真係冇時冇運，其實，心律不正之後，仲可以跑得又上到名，已覺姚本輝好本事。再者，上季係未嘗一勝，好幾場1400米賽事均有水準，證明到此馬在三班中程幾把炮。

　　此駒上季演出穩定，除了首仗1200米，以及心律不正嗰場唔上名，餘下8場1400米，入唔到三甲都好，總跑到四四五五，陣中總會交出一段幾強後勁，所以，雖然佢係要靠形勢至追得到，但同時，在其主項真係唔多機會冇影，話唔定今季仍然係長跑長有之輩。去季此馬曾連續3場輸好少，距離只在頭、短頭、頸，唔係冇運，又會係咩！不過，曾火併「風雲武士」等馬，估計分數在7字頭仍未到頂。

Jack