借題發揮:強駒形勢大好

猪拉多纳

　　文家良馬房，近兩季頭馬數字「升呢」，分別有43及35W，比起再之前徘徊喺廿幾場，明顯進入另一層次，嚟到今季有冇得再上？邊估得到！但如果睇佢馬房陣營，逐匹逐匹秤，唔應該會退步。

　　低班馬如「強駒」，在安廐多季，唔係冇得贏，不過，唔算係多捷馬，而對上1次贏馬，其實已經數到09年國慶日，即係接近兩年冇贏過，究竟今季轉到文廐後有冇轉機？個人則保持正面睇法。

　　「強駒」已9歲，唔可以唔認老，但目前32分，真係減到過籠，話晒上季初還在四班1400米跑獲第四、五名，當時評44分，而季尾在所負不遠情況下，喺五班入P，以此推測，在現時班次必有殺傷力，如果文家良搞得好，隻馬又唔係退化太快，殺番上四班仍有表現，一啲都唔意外！

Jack