哥連泰斯地頭有「甘」執

猪拉多纳

31/08/2011
文： 牛奶仔

巴甲榜首哥連泰斯連輸2場，家陣個領先優勢得番1分，唔到佢哋唔搏。聽朝「一哥」返主場出擊，遇正作客腳軟嘅甘美奧，哥連泰斯大有機會贏波反彈，熱捧1.58倍主勝。（開賽時間：周四清晨5:00）


甘美奧作客近8戰不勝


哥連泰斯上仗領先1球，點不知臨尾畀彭美拉斯反勝2:1，無啦啦連輸兩仗，最慘係佢哋嘅主要對手法林明高Keep住勇態，依家哥連只係咧得1分，班高層已經落晒柯打要贏波，今次返到主場出擊，再唔開W就真係死得人多。雖然王牌前鋒阿祖安奴要到10月先復出，但哥連主場始終有一定威力，9戰6勝勁入16球，當然有條件反彈。




對家甘美奧嘅作客成績，絕對可以用「慘不忍睹」嚟形容，連續8場不勝之餘，當中近6場都未入過波，名副其實係「作客蟲」。睇埋往績，甘美奧近4次對哥連泰斯都要輸波，今戰遇着矢志反彈嘅「一哥」，憑咩復仇先？