英幼獅半場難起塞

猪拉多纳

01/09/2011
文： 法比加輝

U21歐國盃外圍賽第八組，英格蘭U21周五凌晨在屈福特主場出戰阿塞拜疆U21，「幼獅」兩年前曾狂風掃落葉七比○大炒阿塞拜疆U21，可惜今時唔同往日，主力如菲爾鍾斯被大國腳領隊卡比路「挖走」外，又有多名上位新星因傷避戰，整體實力大為削弱。加輝建議捧客隊頂住半場，捧3.7倍嘅半場和。（now 671周五凌晨2時30分直播）




英格蘭「幼獅」在早前舉行嘅U21歐國盃決賽周令人大失所望，一場不勝於分組賽中出局，迫使領隊皮雅斯決心重組，今次點兵就加入了不少十七、八歲球員，估計都係想穩定陣容，為2013年以色列U21歐國盃作好準備。


僅靠佐敦軒達臣孭飛


當然，其實皮雅斯揀人都好困難，事關後防支柱菲爾鍾斯都被卡比路「搶走」，要代表大國腳出戰，至於其餘重組重心如韋碧克、阿仙奴中場費林邦及利物浦後衞馬田基利就因傷退隊，如今只能靠「水貨」佐敦軒達臣同車路士小將麥伊治蘭孭飛，但防線卻缺乏大將領軍。


對阿塞拜疆敲半場和


雖然英格蘭U21在兩年前，曾於主場大勝阿塞拜疆U21七比○，但大炒主要因為「幼獅」當時要谷盡狀態去應付09年U21歐國盃決賽周，所以「幼獅」都踢得特別咬牙切齒，入得幾多得幾多！




但今場就少咗呢份動力，而且亦係英格蘭U21重組後首場比賽，默契及經驗都難與兩年前或數月前嘅「幼獅」相提並論，因此加輝認為投X者大可博一博分頭，捧近年進步不少嘅阿塞拜疆U21半場頂住英軍，要半場和。


U21歐國盃外圍賽分組表


第8組

英格蘭U21

比利時U21

冰島U21

挪威U21

阿塞拜疆U21