葡萄牙炒「塞」客勝開餐

猪拉多纳

02/09/2011
文： 力奇

歐國盃H組外圍賽鬥到天昏地暗，葡萄牙、丹麥同挪威都係5戰得10分，想爭首名，葡萄牙今晚作客塞浦路斯實搏盡，鬥志實力有保證，梗係捧2倍「讓球客勝」！（now634台周六凌晨2:45直播）


塞浦換帥有排執


兩班波喺今屆賽事首戰碰頭就打成4:4，結果搞到葡萄牙家陣喺小組帶唔甩，今鋪仇人見面，仲點會有情講？再者，葡軍球員狀態勁好，隊長C朗喺上周西甲就連中3元，左閘法比奧干查奧過檔皇馬後亦大躍進，只要呢班波踢出水準，根本係炒硬塞軍。




當然，卡維奴因失落正選宣布退役，唔多唔少影響士氣，但睇番塞浦路斯除咗首戰入4球，其餘3戰夾埋先入得1球，咁嘅火力冇可能再偷雞！仲有，新帥尼奧柏拉亞斯今年6月先上任，要了解班波應該要更多時間，今仗憑乜搶分？