烏拉圭三叉戟唔「蘭」搶W

猪拉多纳

02/09/2011
文： 阿當 K神

今晚國際熱身賽上演「雙烏」大戰，強陣出擊嘅應屆美洲國家盃盟主烏拉圭，會作客來年歐洲國家盃主辦國之一嘅烏克蘭，主隊今場以試陣為主，相信會派多達4名未入選過國家隊嘅小將落場，輸經驗一於要撐2.45倍客勝。（開賽時間：周六凌晨2:00）


烏克蘭起用4名新秀


烏克蘭由於係出年歐國盃嘅主辦國，搞到差唔多近兩年都未踢過一場正式比賽，只能靠熱身賽維持球員之間嘅默契。由於仲有大半年先至到決賽周，所以佢哋仲有大把時間試陣，今場就選咗4名從未入選過國家隊嘅球員，同時亦只有3名外流球員壓陣，整體實力僅屬一般。




另邊廂，啱啱捧走美洲國家盃嘅烏拉圭就只係作出4個變動，當中蘇亞雷斯、卡雲尼同科蘭嘅前線三叉戟繼續入選；至於啱啱轉投利物浦嘅高亞迪斯，則預料會繼續擔正鎮守中路，相信唔難延續美洲盃強勢。