FC橫濱信心飛殺到客窒向日葵

猪拉多纳

03/09/2011
文： 蘇豪

國際賽周冇日職，但仲有日乙，中游分子FC橫濱會作客北九州向日葵，向日葵今季進步神速，主場出戰惡氣十足，不過，今次球隊主場出擊盤口唔多硬淨，現時莊家開緊平手盤，明顯有蠱惑，一於捧對家！（周六下午5時開賽）




北九州向日葵今季表現脫胎換骨，主場演出特別犀利，曾經試過擊敗勁旅FC東京，近九次聯賽主場出戰只輸過一場，論表現的確唔簡單，如果大家有追開，相信獲利唔少。不過，睇番今場盤口，目前莊家開緊平手盤，向日葵對住中游分子FC橫濱唔使讓波，有冇咁筍啊？




FC橫濱近況理想，連續四場聯賽贏波，而且保持不失，走勢甚勁，但本周主力前鋒卡奧菲臘比及法蘭卡唔出得，火力要打折扣。雖然橫濱唔齊腳，但盤口仍然好硬淨，確實有景轟，事實上，日乙主場球隊優勢唔明顯，今次向日葵盤口唔夠硬淨信唔過，平手盤博橫濱。


富山勝利發力要跟


同日富山勝利主場對大分三神，勝利雖屬下游分子，但若能踢出水準絕不簡單，上周就於主場擊敗FC東京，演出令人眼前一亮，今次對住三神有力保持不敗，博「讓球主勝」。


日乙推介


FC岐阜讓球主勝




富山勝利讓球主勝

FC橫濱平手盤