米爾頓凱恩斯碌卡爭升班

猪拉多纳

03/09/2011
文： ComboKing

周六晚英甲如常進行，其中一場由卡素爾主場對米爾頓凱恩斯。今季米爾頓凱恩斯可以用弗爆嚟形容，無論盃賽及聯賽都交出好表現。連一向要求高嘅領隊卡爾羅賓遜都讚球員有鬥心。今場對手卡素爾唔算勁，有主場都未必讓得起米爾頓凱恩斯，下盤可加倍留意。（周六晚10時開賽）




米爾頓凱恩斯上季於升班附加賽失利，未能取得英冠席位，不過球員未有灰心，今季決定捲土重來，向更高級別聯賽進發。經過幾輪賽事之後，米軍將今季目標重新定位，由原先爭取附加賽資格，推高至聯賽冠軍。既然球隊有雄心壯志，今場又點可以輕視。


查域克留隊搏殺


其實米爾頓凱恩斯今季喺轉會市場唔算太積極，其中一個原因係球隊成功挽留多名主力，包括前曼聯球員查域克。雖然佢已經三十歲，但喺英甲作戰絕對綽綽有餘，縱然暑期有唔少英冠球隊向查域克招手，但佢講明今季要全力協助球隊升班，唔會諗轉會問題。




連同以外借身份加盟嘅查理麥當勞及巴蘭達，球隊入球能力可謂進一步提升，受讓平半一定揀下盤。