小保加殘廢唔怕反

猪拉多纳

04/09/2011
文： Katie

學跳舞嗰度月尾就租約期滿，要去到10月中先搬去新竇，咁搞法真係嚴重影響小妹嘅減肥部署！之不過冇嘢會阻到我，屋企、樓下個公園甚至公司茶水間都係Katie嘅舞台，呢個幾月一於舞照跳，肥照減。




喺度呼籲想減肥嘅朋友，跳舞前記住做足熱身，唔係好易傷架！好似列基美咁，近年都未試過健健康康踢足成季，最近佢又拉傷左腳腿筋，聽講小保加啲軍醫都話手尾長，陰功！小保加聽朝喺阿甲作客獨立隊，佢哋喺呢場傳統Big5「Classic」大戰除咗冇列基美，仲有中堅舒希艾維同恩沙奧拉迪養傷，攻守兩瓣都削晒，造訪獨立隊好難全身而退，平手盤梗係撐獨立隊啦！




外國長大，半個鬼妹仔，自細因爸爸成日帶朋友返屋企睇波而愛上足球，鍾意睇靚仔但唔會盲目追捧，最緊要係好波。