洪禮賢講馬：東廐馬有路捉

猪拉多纳

　　接近兩個月冇睇過馬匹報名表，對於馬友們而言，有得初步度吓，起碼有個譜。究竟呢期開鑼日，會係邊個馬房威威？

　　望落報名表，告東尼馬房是開鑼賽出報馬匹最多的，組組有佢嘅馬霸咗個額，單純咁諗，出得多，斷唔會好心做壞事，尤其呢個馬房，近季同日唔係冇成績交出嚟！

　　近兩季首次賽事，東廐先後贏過「不言而喻」、「同歡笑」、「尚兄」及「讚賞」，4W點都唔算少。今次10場賽事，佢報夠12駒，攻擊力有幾強？一日未落場跑，邊個敢寫包單，之但係，如果根據之前兩季開鑼日，東廐勝出或入Q馬嘅模式，又好似有路捉吓。

季前贏大閘最啱

　　事實上，近兩季此廐首日跑得好嗰批馬，好幾駒季前試大閘都贏到，「讚賞」、「萬事佳」、「同歡笑」俱贏試閘（初出獲2W1Q），而「不言而喻」與「尚兄」，試大閘亦可在前幾名返嚟。

　　如果以呢個方向嚟搵，今期嘅「萬事佳」、「讚賞」、「延續美麗」、「美的人生」等駒，俱符合資格，最終邊匹可為廐主攞頭威？一對「美」系同主馬，成數應該較高。

馬會賽馬節目主持　洪禮賢