尼日利亞勢搶風頭

猪拉多纳

06/09/2011
文： SAMVO肥叔

國際賽周愈搞愈衰，球會不滿旗下球星畀國家隊徵召用殘，所以成日詐型。對菠菜公司而言，賽事本身吸引力唔大，生意唔算特別好。另外，國際賽戰果唔易捉，唔少賭仔都唔鍾意玩，瓣瓣都唔掂，再咁搞法，情況隨時愈來愈壞。




今次重心場次揀場熱身賽，尼日利亞同阿根廷於孟加拉交手，兩隊山長水遠去到當地拍跳，無非為開發新市場。兩班波今年年初曾經對戰，當時尼日利亞大勝四比一，仲引來假波疑雲，驚動埋國際足協，今次再次碰頭，肯定全世界都睇實場波。




尼日利亞同阿根廷今次改於亞洲碰頭，更令人起疑心，不過現時風聲咁緊，相信兩班波都唔敢搞搞震，加上今次阿根廷人腳甚齊，預計會打真軍。以波論波，阿根廷級數當然較高，但讓到一球嫌多，呢場可以博尼日利亞下盤，兼顧埋入球大，隨時可以雙殺。


瑞士保加利亞鬥大


同日瑞士主場對保加利亞，保加利亞上場對英格蘭踢落完全唔對辦，但大戶仍然狂捧下盤，情況頗為奇怪。保加利亞水平明顯下跌，不過鬥志唔曳，預計有機會入波，捧入球大最好。