聖保羅搶W做賀禮

猪拉多纳

07/09/2011
文： 亨格比利

家有一老如有一寶，聖保羅就有齊兩寶，除咗李華度之外，門將羅渣里奧同樣愈老愈可愛，今晚就係呢位「門神」為球隊披甲第1,000場，班隊友實唔想掃佢興，實行做低明尼路喺莫隆比開Party，一於捧1.65倍主W。（開賽時間：周四凌晨3:00）




計埋青年軍時代，羅渣里奧已經為聖保羅効力咗21年，今晚更加係佢為球會上陣第1,000場，會方為咗紀念呢個歷史性時刻，賽前決定大酬賓推出優惠價波飛，務求逼爆可容納超過67,000人嘅莫隆比球場造勢。現年38歲嘅羅渣里奧就話，到時放唔放煙花、會方會唔會為佢設計1,000場紀念Tee都唔重要，最緊要就係贏波攞3分！




明尼路作客狂失分




聖保羅上仗靠李華度建功擊敗費古倫斯，終止連續5場聯賽不勝嘅頹勢之餘，備受壓力嘅教練艾迪臣巴迪斯達亦可鬆一口氣。睇番聯賽榜，聖保羅只係落後榜首嘅哥連泰斯兩分，即使巴西國腳中場盧卡斯洛迪古斯趕唔切歸隊，都仲有卡斯米路、馬路斯同卡連奴斯柏拉巴等攻擊中場候命，對住今季巴甲作客10戰有8場失分嘅明尼路，唔係咁難贏啫！