費城聯掃平革命軍

猪拉多纳

07/09/2011
文： 牛奶仔

聽朝美職獨腳戲由2支同樣6場不勝嘅球隊對碰，費城聯將會喺主場迎戰新英倫革命，客隊今仗繼續以殘陣應戰，相反主隊有後防大將復出，一於熱捧1.57倍主勝。（開賽時間：周四上午8:00）


新英倫革命唔識守


費城聯自從喺7月同愛華頓及皇馬踢完熱身賽後，直到依家6場聯賽都未贏過波，但慶幸依然場場有波入，攻力有一定保證。主隊後備前鋒侯亞比奧今仗繼續倦勤，不過中場白賴仁卡路爾有望傷愈復出，加上守將卡路士華迪斯坐完波監可以披甲，令費城聯陣容回復完整。




另邊廂，新英倫革命同樣6場不勝，近3場更喺領先之下被逼和或反勝。客隊今仗有後衞法蘭高哥利亞、中場尼亞斯、前鋒基利杜比同拉高歷基受傷未能候命，作客出戰更難打破連續2次對碰輸波嘅厄運。