拉素雙鬼拍AC

猪拉多纳

09/09/2011
文： 巨高

意甲解決勞資糾紛後，今晚正式開鑼，揭幕戰由上季冠軍AC米蘭主場對拉素。兩支球隊於季前轉會市場相當活躍，實力提升不少，其中拉素更免費羅致到「德國轟炸機」高路斯，配合「法國浪人」施斯，前線衝擊力大增，趁AC季初未上力，絕對有機會偷雞，巨高捧拉素「讓球客勝」。（now 633周六凌晨2時45分直播）




早前意大利X府提出財政緊縮政策，其中加稅及削減開支令當地人民最為不滿，更令到意大利全國工會包括首都羅馬發起大罷工，示威者矛頭直指AC米蘭老闆兼意大利總理貝魯斯干尼。而位處首都嘅拉素，某程度上亦會對AC米蘭產生一種抗衡心態，故此拉素今次作客去到聖西路球場，誓要將球迷及人民嘅不滿盡情宣洩，群眾力量成為拉素最大爭勝本錢。


訪聖西路3連和


AC貴為上季聯賽冠軍，球員對於衞冕抱極大信心，奈何幾名新加盟球員包括左閘泰禾、中堅麥薩斯及天才中場艾沙拉維都因傷缺陣，AC缺乏新鮮感支持，球隊演出將會受到影響。另外AC陣中有唔少國家隊代表，包括柏圖、羅賓奴、堤亞高施華及伊巴謙莫域，上述球員經過國際賽後體力未能回復，攻力必打折扣。




另外有一項數據不得不提，拉素近三次作客AC米蘭都係打和，有埋對賽往績支持，拉素可謂非捧不可。