AC頭盤煲魚生粥益拉素

猪拉多纳

09/09/2011
文： 鄭少偉

意甲開咧！揭幕戰AC米蘭主場鬥拉素！「亨利仔」睇過數據，AC喺主場對拉素個績都幾靚，但係拉素始終唔係善男信女，好難被大炒，一於博夠晒分頭嘅3.4倍「讓球和」啦！（now633台周六凌晨2:45直播）




翻查數據，原來AC近6次主場對拉素都未輸過，睇埋人腳，AC就更加星光熠熠！個人睇好伊巴謙莫域今季會大有作為，佢除咗射術了得，更難能可貴嘅係一改個人化踢法，為隊友交出11次助攻，只要佢Keep得到勇態，相信冇乜對手阻到佢！配合卡斯辛奴同柏圖兩位突破力強嘅球員，肯定會搞到拉素後防立立亂。不過AC衰在有派路離隊，創造力肯定大減，新加盟嘅阿古蘭尼能否取代佢，真係言之尚早。




對家拉素亦將莫路沙拉迪借去國米，有傳言話莫路沙拉迪太獨食，好多隊友唔鍾意佢，依家沙拉迪轉會，未嘗唔係好事！咪忘記拉素鋒線有新加盟嘅高路斯同施斯，加上中場由巴西嘅靴蘭尼斯揸旗，實力唔係差AC好多，一於扒冷博個「讓球和」啦！