諾士郡應酬完腳仔軟

猪拉多纳

10/09/2011
文： Richard Welbing

經過國際賽後，好多大球會表現都會走樣。事關球員為國家激戰過後體力必嚴重消耗，而且好多時球員都要趕返所屬球隊報到，準備周末及周日聯賽來臨。球員休息時間不足，精神及體力都處於低位，自然影響到聯賽表現。故本周宜集中火力向低組聯賽進發，隊中少有球員為國家隊賣力，走樣可能性相對較低。而今次會同大家研究英甲賽事，由諾士郡主場對華素爾。最近諾士郡去到意大利參與表演賽，休息僅一日又要飛返英倫，球員體力成疑難讓卡素爾，「讓球客勝」可留意。




（周六晚10時開賽）


體力未明點讓華素爾？


基於意甲祖雲達斯為新球場開幕搞活動，日前特別邀請諾士郡出席開幕典禮兼踢表演賽，結果兩隊打和一比一。雖然只係一場「畀面派對」，但就難免打亂諾士郡嘅部署。賽前領隊馬田阿倫就話冇問題，唔會影響到聯賽演出。但上述言論只為減輕球迷憂慮，球隊頻撲係不爭事實。今晚面對同級球隊華素爾，諾士郡隨時會出現體力不繼嘅情況，對爭勝會構成一定阻力。要留意諾士郡主場賽績唔算特別標青，要讓波已經不值，加上體力因素未明，今場「讓球客勝」較為可取。