巴塞落足料炒蘇斯達

猪拉多纳

10/09/2011


另一仗皇家蘇斯達將於主場對巴塞隆拿，巴塞首輪賽事就贈維拉利爾五蛋，季初已展示強勁狀態，隊長佩奧爾、麥士維及艾迪安奴又已告傷愈，相信今仗再炒對手機會甚高，捧大。




（now 632周日凌晨零時直播）




皇馬、巴塞近年壟斷西甲，主因當然係其他西甲會受財政困擾，莫講話買人，根本冇錢增兵加強實力。反觀皇、巴近年不斷擴軍，好似巴塞上賽季收入高達4.73億歐元（約50億港元），壓倒皇馬及曼聯成歐洲第一，今季重金簽入法比加斯及阿歷斯山齊士。老實講除皇馬之外，其他西甲球隊又邊係佢哋對手？事實上，就如有份參戰歐聯嘅維拉利爾，首戰都要淨吞巴塞五蛋，可想而知「地上最強」已經在西甲大超班。巴塞賽前亦有利好消息，佩奧爾、麥士維及艾迪安奴三名守將都可復出，現時就只餘碧基一名傷兵。


級數有別無謂硬拚


皇家蘇斯達今季未有甚麼重磅交易，實力唔見提升好多，更何況蘇斯達最大目標都係護級，所以輸畀巴塞，甚至遭佢哋蹂躪又有何所謂？倒不如面對同級球隊先搏命。因此，加輝認為主隊有可能步維拉利爾後塵大敗一仗，入球大細中位數調高至3.5球，仍建議捧大。