奧沙辛拿傷兵多冇希望

猪拉多纳

11/09/2011
文： ComboKing

今日阿King將重心放落西甲身上，頭號心水係奧沙辛拿對希杭。奧沙辛拿今季未見有大手增兵，陣容並唔理想，最弊係佢哋幾員主力索查、列斯高、安倫斯亞達及伊查迪都因傷缺陣，今場點讓波？一於捧受讓嘅希杭「讓球客勝」。（now 632周一凌晨零時直播）

奧沙辛拿在開鑼戰摸和馬德里體育會○比○，搶到一分都算係咁，但球隊最近飽受傷患困擾，上場擔正嘅門將列斯高勇戰受傷，半場退下火線，今場亦難望上陣。至於索查、安倫斯亞達及伊查迪，同樣因傷錯過今場比賽，實力難免大幅削弱，加上奧沙辛拿一向都係着重防守嘅球隊，要佢哋主攻，真係冇乜保證，所以希杭受讓的確值得捧場。


薩拉戈薩知恥近乎勇


至於另一關就揀選華歷簡奴對薩拉戈薩，薩軍上場淨吞皇家馬德里六隻光蛋，單睇比數十足魚腩一樣，但老實講對手係弗到漏嘅皇馬，除巴塞外都冇乜邊支西甲兵頂得住啦！再者，薩軍被大炒後肯定會知恥近乎勇，今場定必會做好防守，受讓可以捧場