波圖主宰薩克達

猪拉多纳

13/09/2011
文： 肥叔

馬季正式開鑼，以往波馬客路接近，隨住足球菠菜發展日益成熟，現時賭波客數字遠高過馬迷。有人問馬季重開會唔會影響足球賽事投X額，大家真係唔使擔心，足球生意長期見好，賽馬行業環境愈來愈差，以目前形勢睇，只有足球淘汰賽馬，足球菠菜完全唔怕跑馬仔威脅。


經過國際賽周後，歐洲主流聯賽重開，唔知係咪畀國際賽悶親，散客投X氣氛非常踴躍，英超、西甲同意甲生意同樣好到不得了，真係做到冇停手。今個周中輪到歐聯開波，雖然開波時間唔算好，但賽事競爭激烈，場場都咁精彩，肯定又會引來唔少客仔參與，預期投X額會幾理想。


講番今次推介，G組波圖主場對薩克達，捧主隊。波圖早前於歐洲超級盃不敵巴塞，實屬非戰之罪，呢支葡超班霸今季變動唔少，但本身班底好，即使有部分主力離開，實力評級冇乜跌，現時仍屬歐洲一線尾球隊，今次主場對烏克蘭部隊薩克達讓到半一，盤口硬淨，要波圖！（周三凌晨2時45分開賽）

柏辛域陀尼亞有信心飛

而Ｈ組捷克大軍柏辛域陀尼亞主場對巴迪，柏辛域陀尼亞今屆忽然彈起，喺外圍賽表現突出，令唔少行家大感意外。呢隊波實而不華，對住白俄兵巴迪讓到半球，個盤都幾辣，睇個樣似係信心飛，呢隻上盤值得留意。