國米羅馬鬥攻大盤保帥

猪拉多纳

17/09/2011
文： 巨高

周日凌晨意甲重頭戲，國際米蘭主場對羅馬。今場勝利對於兩軍教頭都極為重要，國米新帥加斯柏連尼玩怪陣備受批評，三連敗劣績變相埋下炒魷伏線，據聞老闆莫拉堤已定好繼任清單，包括現任英格蘭主帥卡比路。




而羅馬教練安歷基亦唔好得幾多，歐霸外圍賽出局，意甲開鑼戰又輸畀卡利亞里，已傳出安察洛堤有機會執爛攤子。基於今場對雙方教練都係非勝不可，料會大打進攻足球博三分，大盤值得留意。




（中央5台周日凌晨2時45分直播）




巨高另一心水係英甲哈特普爾主場對貝利，貝利季初表現夠晒衰，少帥李察巴卡都話教唔掂，據聞佢已經打定辭職信，諗住踢埋今場就遞信。既然李察巴卡都打定輸數，哈特普爾梗當然要「送佢一程」，捧主W。（周六晚10時開賽）