借題發揮：方薛伍鬥省招牌 潮流興贏轉倉馬

猪拉多纳

　　如果筆者拋下一堆馬名，如「愛拚者勝」、「氣定神閒」、「威水福星」、「南陽望族」，閣下會諗到啲咩？咪就係轉倉後不久有馬贏，又或者唔畀面，即刻剃眼眉。唔知係咪呢排係咁，總之，今期亦有幾駒係咁情況，潮流嘅嘢，話唔定興開就興。

　　阿Jack認為，「心中有勁」、「勝利就手」及「爪皇盛水」，就算有冇上述開場白嘅先例，亦應該要重視，無它嘅，論分數，唔係冇着數，論路程性能同樣有根有據，而隔晚亦有晒支持票墊底，更覺有啲嘢。

　　先講伍廐「心中有勁」，兩場之前先喺四班同程入Q，跑贏「快樂無窮」而與路程專家「軒轅勇將」埋Q，對一對，目前仲要低嗰場4分，但仲要排檔好咗、負磅輕咗，點會冇贏面。

　　至於薛廐「勝利就手」及方廐「爪皇盛水」，三班賽有得揮，所跑路程亦有績支持，既然轉倉後已跑過一陣，有晒了解，過埋個暑假嘞，練者應該係時候交差啦！

Jack