賠率有路捉：好通勝飛數「泥」料

猪拉多纳

　　噚晚睇飛，有對馬熱到爆，位置曾得一戙，佢哋分別係一場「雄心馬主」同七場「人人興旺」。買WP冇咩意思，用嚟做膽卻係唔錯。

　　至於怪飛馬，留意四場「好通勝」，呢匹馬上季十二月在港上陣，嗰時未轉入胡廐，仲係方嘉柏旗下一卒，不過無論轉倉前後，都離唔開冷門身份，上季五場賽事，有三場係99倍。正因為咁，當筆者見到佢呢次獨贏賠率曾得7.7倍，亦不禁望多兩眼。飛數咁勁，相信同佢暑期課泥閘有關，嗰時佢一放到底，蹄下敗將包括「精彩生輝」，今次又特登報泥地，明顯擇過良辰吉日先嚟，唔買等幾時？

郭立基蠢蠢欲動

　　騎師王方面，韋達1.8倍大熱係意料中事，但佢有五匹馬排十檔或以外，點都有戒心，反而新騎師郭立基得9倍，睇嚟蠢蠢欲動，唔通想開齋兼贏騎師王？可敲。

周仲