拉素主W熱得有理

猪拉多纳

18/09/2011
文： SAMVO肥叔

今日大戰連場，球迷由朝睇到晚，肯定好唔得閒，不過肥叔成日都講，戲碼勁唔一定好賭，大家一定要將菠菜同興趣分開，好似今晚英超大戰曼聯對車路士咁，曼聯季初弗就係人都知，但讓到半一真係多咗啲，聯賽係長途戰，今場贏唔到又唔係世界末日，從投X角度嚟講，肥叔認為大盤更有值博率，畢竟兩隊都有入球能力，開大好正路。


對熱拿亞盤口硬淨


今日嘅重心之一係意甲拉素，佢哋今季羅致施斯同高路斯，火力進一步增強，開鑼戰同AC米蘭打和二比二，表現相當不俗，雖然上仗歐霸畀羅馬尼亞嘅華斯路伊逼和，但意大利球隊向來唔吼歐霸，相信拉素留番今場聯賽先打真軍。對手熱拿亞實力唔差，近兩季排名都喺前十，但拉素要讓到半一，盤口咁硬淨係信心嘅表現，拉素主Ｗ值得捧場。




（周日晚9時開賽）




蘇超大戰格拉斯哥流浪主場對些路迪，兩隊實力可謂半斤八両，如果淨係睇對賽往績些路迪係好啲，但些路迪近期表現真係不敢恭維，上仗歐霸作客馬體會，啲蛇全部出上盤，結果些路迪淨吞兩蛋，睇嚟呢隊波仲有排衰，流浪平手盤真係相當吸引。




另一場心水係富咸，富咸今季聯賽未開齋，但本身實力唔曳，尤其係主場更加踢高一班，冇錯曼城季初係好弗，但上周中歐聯對拿玻里已跌Watt，肥叔擔心佢哋季初虛火已過，今場讓一球咁多，肥叔寧願博下盤咯！


肥叔心水


格拉斯哥流浪平手盤

熱刺大

拉素勝

富咸下盤

新特蘭大

曼聯大

利雲特下盤、大

有赢不输