多蒙特靠比列錫攞威

猪拉多纳

18/09/2011
文： 蘇斯黑柴

黑柴近年一直有跟進比利時聯賽，今季前比甲天王級球星比列錫加盟德甲多蒙特，黑柴對呢位上季効力布魯日，技術出眾、能傳、能射又頭槌了得嘅克羅地亞國腳中場寄望甚殷，而佢經過季初幾場後備上陣後終於爆發，喺上周中歐聯更射入世界波，協助球隊逼和阿仙奴，以佢嘅實力，相信可以成為今季德甲其中一位最耀目新星。


漢諾威踢歐霸抖少兩日


事實上，比列錫喺前幾場聯賽後備上陣，已有多次可觀埋門鏡頭，可惜一直欠運氣，中完楣又中柱至未喺聯賽開齋。多蒙特今晚德甲作客漢諾威，中場主力馬里奧葛斯同隊長基爾繼續停賽，施雲賓達因傷缺陣，比列錫名正言順擔正，面對啱啱踢完歐霸、兵源有限又唔肯輪換嘅漢諾威，抖多兩日嘅多蒙特較着數，推介入球大同多蒙特客W。




（有線61台周日晚9時30分直播）

有赢不输