|
|
18/09/2011
文： 阿占
英超今晚上演重頭戲，曼聯主場大戰車路士。兩隊上周中歐聯都大玩留力，一班早幾日無踢嘅主將，儲埋儲埋喺今晚搏命。今場阿占決定撐有莫連奴二世之稱嘅保亞斯，我相信由佢統領嘅藍戰士，可以繼承歐聯贏波餘威保持不敗，受讓半一車仔下盤爽手入貨！
（有線200及300、廣東體育周日晚11:00直播）
王子歐聯交靚波醒晒
阿占向大家推介作客嘅車路士，除咗因為自己本身係車迷外，仲有三大原因！記得季前同好多朋友傾偈，都聽到佢哋擔心呢位年輕教頭，因為資歷尚淺鎮唔住班車仔球星。但估唔到保亞斯原來係敢作敢為，話之你係5,000萬球星，只要係配合唔到戰術需要同冇態，一樣正選不保，所以好似費托、杜奧巴、安歷卡同林柏特都先後試過做後備，依家班球員漸漸適應成果初見，阿占梗係大讚啦！
另一個原因係見到費托終於面對現實，知道自己唔弗同腳風唔多順，就唔再夾硬求「士哥」，甘心扮演二傳角色，為隊友穿針引線。早幾晚歐聯主場贏利華古遜兩球，正正就係由佢兩度助攻，只要呢位前金童肯繼續咁踢，車仔就唔愁無波入啦！
曼聯唔齊腳讓得多
最後一個考慮就係以車路士人腳同實力，一季之內有幾何可以受讓？仲要受讓半一咁多，誇啲講係千載難逢，曼聯係強但都真係太睇低車仔，身為車迷就更加唔可以走雞啦！況且紅魔之前踢到搶晒鏡嘅韋碧克同湯卡華利都打柴，冇咁易喺車仔身上搵着數，讓半一就真係多咗啲喇，撐下盤一啲都唔過分！
紅魔英超入波多
‧近4場英超全勝入18球，平均每場入4.5球。
‧前鋒朗尼近4場英超入8球。
頂占筍盤車路士（下盤）
車仔交手旺開大
‧近4場英超獲3勝1和，當中3場有失波。
‧近6次交手獲2勝4負，當中有5場開大。
有線球彩台主持阿占‧電郵：soccer64@cabletv.com.hk
球彩群組：http://fb.com/icable64‧ HONE波熱線：1831 678
「球彩俱樂部」開放時間：周日晚9:00至周一凌晨1:30
|
|
金睛卡
发表于 2011-9-18 08:19
变色卡
显身卡
发表于 2011-9-18 10:49
.gif)