近6次對流浪不敗 些路迪格食「格」

猪拉多纳

18/09/2011
文： 郭球奇

今晚蘇超爆發「國家打吡」，由格拉斯哥流浪主場硬撼些路迪。雖然流浪今場傷疲盡起，但領隊麥哥斯始終經驗有限，最重要係今年6戰些路迪1場都未贏過，格食格味濃，球奇覺得「綠白軍」可續保不敗，開出1.52倍「讓客」！




（now638台周日晚7:30直播）




流浪同些路迪呢對死敵上季認真有緣，連同盃賽竟然7度交鋒，不過流浪除咗喺首場聯賽交手作客贏些路迪外，踏入2011年後6次對賽竟然未試過喺法定時間內解決對手，流浪今晚主場出擊，其實優勢唔算太明顯。


流浪領隊輸打吡戰經驗


雖然流浪今場有中場謝美尼斯同後防華亞繼續倦勤，但好消息係射手謝拉域已經傷愈，中場麥高洛治、艾真度比杜亞同後防柏巴斯亦已通過體測，可以隨時候命，不過球奇就唔太信得過流浪領隊麥哥斯，事關呢場將係佢人生首次以領隊身份迎戰「國家打吡」，隨時發波瘟都未定。


史杜基斯史葛布朗復出


對家些路迪啱啱以後補身份打歐霸盃分組賽，結果首場就以0:2不敵馬體會，不過領隊連儂賽後讚球員其實打得唔錯，仲話覺得呢場輸波絕對唔會影響球員信心同士氣。事實上，些路迪未對馬體會前，喺蘇超錄得2連勝入6球未失1球佳績，何況今場仲有射手史杜基斯同史葛布朗傷愈復出，夠晒本錢反彈。


流浪對住些路迪無晒符


日期 戰果

11/04/24 格拉斯哥流浪 0:0 些路迪

11/03/20 些路迪 1:1 格拉斯哥流浪

11/03/03 些路迪 1:0 格拉斯哥流浪

日期 戰果

11/02/20 些路迪 3:0 格拉斯哥流浪

11/02/06 格拉斯哥流浪 2:2 些路迪

11/01/02 格拉斯哥流浪 0:2 些路迪

有赢不输