大鷹勇爆$620W

猪拉多纳

新季跑過三個回合，一眾華籍倉口大打爭氣波，李易達繼「愛拚者勝」、「享耆成」後，擒日又憑「大鷹勇」爆$620大冷W食頭胡，延續日行一善，次次有馬贏。
       
大鷹勇首次四降五即刻變身。
李易達配售馬堅

其實Almond今季成績好之餘，相信馬會都應該對佢特別嘉許，因為一直備受批評嘅配售馬制度，響Almond手上就真係發揚光大，由佢所練嘅招牌配售馬「名人」，以至「天寶之威」、「大東海」、「文武精神」、「生生發」，加埋擒日隻「大鷹勇」，合共有6匹SG由佢經手贏馬，配售馬御用練馬師可以話係當之無愧。
       
練馬師李易達今季次次有馬贏，賠率有熱有冷，鬥志十足。

翻查佢旗下現役馬，仲有隻「飛馬之威」係配售馬兼且未跑過，睇吓呢匹滄海遺珠，遲啲可唔可以再為李易達省靚招牌。