蘇斯達遇弱格殺勿論

猪拉多纳

20/09/2011
文： SAMVO肥叔

國際米蘭新季戰績插水，球迷即時喊打喊殺要新帥下台，今時今日個個都急功近利，名牌球隊成績稍有差池，將帥馬上畀人口誅筆伐。大佬啊！球隊唔係機器，換完教頭都要時間調整，你估話贏就贏咩！國米於周中作客升班馬路華拿，今場屬開齋黃金機會，作客讓波照捧！




講番今日重心，西甲周中快車皇家蘇斯達主場對CF格蘭納達，捧主隊！蘇斯達冇乜過人之處，只屬西甲中游分子，但早前逼和班霸巴塞隆拿踢出代表作，證明呢班波級數唔低，今次對弱旅CF格蘭納達，絕對係搶分良機，目前讓緊半球至半一，盤口都算合理，呢隻蘇斯達上盤值得捧場。（周三凌晨2時開賽）


維拉利爾做東碌爆「卡」


同日另一場西甲賽事由維拉利爾主場對馬略卡，維拉利爾今季起步脫腳，目前位列下游，不過，呢班波質素甚高，而且水準穩定，只要發揮正常，應可重上正軌，今次面對客場腳軟嘅馬略卡有力贏波反彈。另外，狼隊主場惡氣十足，英聯盃對住次級球隊米禾爾牌面佔優，可望順利贏波贏盤。