廠仔齊心打瓜梳士貝利

猪拉多纳

20/09/2011
文： 郭球奇

阿仙奴近期防線錯漏百出，為解決問題，據講一班球員希望雲格邀請基昂回歸教防守，相信今晚喺英聯盃第3圈主場對梳士貝利一定打醒十二分精神，誓要反彈開1.5倍「讓球主勝」！（開賽時間：周三凌晨2:45）


英乙梳士貝利兩將受傷


阿仙奴近期防守真係好唔掂，日前作客布力般流浪，更兩度擺烏龍倒輸3:4，創出58年嚟開季最差成績，賽後領隊雲格插球隊輸嘅波都係低級失誤。據《每日鏡報》報道，有兵工廠球員近日向雲格進言，希望請一位防守教練返嚟，當中大熱人選係基昂，證明班球員好有決心改善，相信今晚一定做番齣好戲。




嚟自英乙嘅梳士貝利近況大勇，上場打吡戰作客擊敗維爾港3:2後，錄得近6場聯賽第5場勝仗，但就付出沉重代價，先有隊長兼後防大將艾恩沙柏斯喺賽前熱身時受傷，再有另一後衞舒利夫踢咗21分鐘就傷出，今晚好大機會齊齊缺陣，前鋒哥尼爾又繼續停賽，對住矢志反彈嘅阿仙奴，想爆冷唔係咁易！