借題發揮：谷中霸王重兵殺到 方家軍耀武揚威

猪拉多纳

　　方嘉柏馬房迄今只得1場頭馬，仲要係爆呔之作「勝利福星」，季初頭三回賽事成績並不符預期，不似急先鋒本色。不過，可能日子尚早，馬房未「熱身」而已。至於，方廐在今期賽事，無論上陣馬質與量，均是今季最勁1期，谷中霸王呢次唔講得笑！

　　望望方家軍今次陣容，9駒之中，熱門馬好多，至於用人方面，就個個分啲，冇話邊個騎師特別多馬跑，愛將柏寶或徒弟仔亦然。講到揀咩馬，「金鑛龍華」、「閃耀小子」及「威威多星」，比較啱心水。咁揀法，除咗顧及馬匹實力之外，亦希望方仔唔偏心，人人有馬殺。

　　「金鑛龍華」上場田草輸到冇影，閘前又唔係冇飛，陣上又唔係有咩意外，真係唔多明白，不過，方仔肯轉膊，試吓轉谷草，又唔用細路仔，專登搵白德民，掹個大師父，為咩先！實會拼個明白。而「閃耀小子」及「威威多星」，前駒用柏寶，配搭夠硬淨，後駒喺三班係超級馬，而一對馬路程有晒根據，應是方仔出擊重心之一。

　Jack