賠率有路捉：恭喜發財轉倉惹飛

猪拉多纳

　　今晚八場賽事大熱門係龍係蟲，真係好難講，事關一度成為大熱嘅馬，唔係轉場就係轉配備，究竟係幫到馬兒？定係一步都冇？不得而知，總之小心。

　　講到怪飛馬，唔好走漏頭場「恭喜發財」，呢匹前安廐馬上季落地，跑咗七場，除咗轉泥地嗰次惹啲飛，得38倍，其餘全部99倍，做得冷門，賽績當然差，次次都喺九名或以外，至於勝負距離，通常由六個馬位開始數。一匹咁嘅馬，轉去高伯新馬房，飛數竟然意外地多，獨贏一度得10倍，唔通表現都會唔一樣？此駒上季首仗其實係52分馬，依家得番18分，背上書包只有113磅，仲有一檔，值得一試。

杜利萊騎足八場抵博

　　騎師王方面，柏寶得2倍，應跟胯下有四匹大熱門有關，開首已講大熱唔知會點，與其係咁，不如博吓騎足八場嘅杜利萊，12倍抵玩。

周仲