岡薩多蠱惑筍盤玩大佢

猪拉多纳

21/09/2011
文： 蘇豪

日乙獨腳戲札幌岡薩多主場對東京綠茵，岡薩多主場六連勝贏到開巷，目前位列次席，今次主場出擊唔使讓波，個盤奇奇怪怪，要防避！考慮到兩軍近期入球量穩定，改捧大盤。（周三晚6時開賽）




札幌岡薩多近期踢到着晒火，對上八場聯賽贏七場，單計主場取得六連勝，勢頭超勁，無論左計右計，今次對住東京綠茵起碼讓平半啦，依家莊家無啦啦開個平手盤出嚟，乜事先，有冇咁筍呀？老竇教落，便宜莫貪！今場唔玩盤，改玩大細。札幌岡薩多近六場主場都有士哥，產量穩定，東京綠茵上場七比二狂數FC橫濱，火力驚人。兩隊都弗，今次火星撞地球，捧大啦！