愛華頓搶盃仔冇手軟

猪拉多纳

21/09/2011
文： 自由恆

今個周中有大量本土盃賽上演，如果想玩英聯盃的話，賽前一定要做足功課，事關各隊對盃仔嘅取態都相當唔同，如果當正隊隊都會打真軍就隨時中招。




眾所周知，名牌球隊都會作出適當輪換，曼城更事先張揚會畀夏格維斯落場，折扣就肯定打咗，但賠率又唔畀番你，唔係話佢哋一定W唔出，只係值博率肯定唔高。


西布朗分心護級


其實個別球隊已經喺上圈亮相，當中愛華頓同埋利物浦即使面對低兩級嘅英甲球隊，都一樣強陣出擊，對英聯盃誠意十足，值得雙雙兼顧，其中主場出擊嘅「拖肥糖」就更值得吼實，話晒對手西布朗現階段要分心護級，擺明出副選hea踢，唔慌惡得出樣。（開賽時間：周四凌晨3:00）


荷盃、挪盃、英聯盃及蘇聯盃賽制：


荷蘭盃為第2圈，挪威盃為4強戰、英格蘭聯賽盃及蘇格蘭聯賽盃為第3圈，4項賽事同樣以一場過分勝負，若法定時間內打成平手，則需加時作賽，再和則互射12碼決勝。