哈特斯勝利十二人

猪拉多纳

24/09/2011
文： 渡邊年

哈特斯菲爾德利用「第十二人」轟炸奧連特！英甲三哥哈特斯菲爾德主場對奧連特，球會主席荷爾賽前宣布，將會開放原本預留畀作客球迷嘅Pink Link Stand畀主場球迷入場觀戰，藉此增強主場氣勢。（周六晚10時開賽）




荷爾係哈特斯菲爾德死忠球迷，本身係賀卡公司Card Factory老闆，○九年入主哈特斯菲爾德後，翌年索性連賀卡公司都賣埋，專心會務。荷爾認為主場氣氛好緊要，今季已經試過兩次開放Pink Link Stand畀主場球迷打氣，當時分別贏高車士打三比二同大炒韋甘比三比○，今次荷爾重施故技，睇嚟對住弱旅奧連特又想炒番場，「讓球主勝」信得過。